Sintesis Cinta - Sang Joki Osiris

Ada kidung geguritan, banjare Munggah ring gurit, dirusak desane reko, kegebug antuk kumpeni, kaulaneng gawe sisip, mamandal kayun sang prabu, kalih dane I Tuan, ngempet patilase mangkin, dadi murug, parentah dane I Tuan. Awanannyane matilas, keraos ida ngamanesin, kalih ngeranengang pengraos, wikaran kaula alit, sampun manunas gusti, ring Ida Anake Agung, gustinyane ring kuna, ida irika tindihin, nene matur, keling wantah tetiga. Keliyang matur mapinunas, talet tuara kalinggihin, pinunas keliane reko, nunas Ida Made Rai, iwang raose kidik, dadi maawanan bendu, kadunga saling turah, dadi ida karaos sisip, manyarundup, nangtangin manah kaula. Sampun katur ring I Tuan, Kumisaris Banyuwangi rauh manabdabang reko, Ida Ngurah jagi sisip, muah kelian petang diri, Made Guliang wastan ipun, Ida Dehi Kamasan, Ida Kaler Kayuputih, dadi milu, iwang ida makta raga. Kaulane mapinunas, ngiring ida kapisisip, tong dadi belasang reko, manah kaulane sami